WINDOWS 10 النهاية؟
30 Apr 2023
أعلنت Microsoft إن إصدار Windows 10 22H2 هو آخر تحديث لنظام ويندوز 10.
في الشهور الجاية، هيستمر Windows 10 في استقبال التحديثات للأخطاء والتصحيحات الأمنية، وده على المستخدمين العاديين حتى نهاية الدعم منه في 14 أكتوبر 2025 اللي كان نزل في منتصف 2015، وبكدا هو مستمر لمدة 10 سنين.
بتنصح Microsoft في منشورها الجديد حول خريطة المنتجات الخاصة بنظام Windows العملاء والمؤسسات بإنهم ينقلوا إلى Windows 11 دلوقتي. وده قد يبقى دعاية عشان يحاولوا يسرعوا تبني وإستخدام Windows 11.
بداية Windows 11 مكنتش حلوة أوي لما نزل في أكتوبر 2021. وقتها كان فيه مشاكل كتير في الأداء العام للنظام، وكمان في أداء الـSSD والألعاب والطباعة. بس Windows 11 أصبح هو النسخة الوحيدة اللي بيبيعوها مع الأجهزة الجديدة من يناير 2022.
وقتها تحسنت الوضعيات وتم تعديل بعض القيود اللي تأثرت عليها سمعة Windows 11.
ولو بتستخدم إحدى إصدارات Windows 10 LTSC (Long Term Service Channel) ف مايكروسوفت بتقولك إنك هتستمر تتلقى التحديثات العادية بعد أكتوبر 2025، حسب الرخصة. وبالحديث عن LTSC، فإن Windows 11 Enterprise LTSC و Windows 11 IoT Enterprise LTSC هتتوفر في النص التاني من 2024. وهينشروا معلومات أكتر عن الإصدارات الجديدة المتوقعة لنظام Windows 11 في أقرب وقت.
Tags:
