!!RTX 4060 16GB اعلان نفيديا عن
14 May 2023
واحنا على اعتاب الاعلان عن كروت ال RTX 4060 كمان 10 أيام من الوقتي ظهرت تقارير من VideoCardz بتفيد بأن شركة NVIDIA شغالة على نسخة تانية من كروت ال RTX 4060، وبالتحديد نسخة ال Ti اللي بيجي بذاكرة بحجم 16GB و هتبقى بقدرة طاقة أعلى من النسخ اللي بتيجي بذاكرة بحجم 8GB بفرق 5 وات (165W). وشكله هيبقى في نسخة رابعة كمان من سلسلة ال RTX 4060 بذاكرة 16GB بجانب ال RTX 4060 TI 16GB و نسخة ال 8GB، لو المعلومات صحيحة. الأربع نسخ دي هتبقى مرشحة بالتأكيد أنها تكون من أفضل كروت الشاشة اللي هتنزل السنة دي كقيمة مقابل سعر.
الحاجة المثيرة للاهتمام هي VideoCardz بيدعي إن RTX 4060 16GB هتتميز بمعالج الرسوميات AD106-351. بينما من المتوقع إنه نسخه RTX 4060 8GB هتستخدم AD106-350. والأرجح إن الاتنين هيبقوا عندهم 3072 CUDA Cores وواجهة ذاكرة بعرض 128bit، فالفرق بينهم هيبقى صغير إلى حد ما الفرق الجوهري هيكون في الVRam
الحاجة التانية المثيرة للاهتمام في RTX 4060 TI 16GB هي إن الكرت هيتميز بتصنيف TGP بقوة 165W، بدلاً من 160W للنسخة اللي بتيجي بذاكرة بحجم 8GB.
الحاجة الغريبة ان ازاي نفيديا هتحدد موضع RTX 4060 16GB بالنسبة للنسخ التانية من سلسلة RTX 4060، خاصة نسخ Ti. لو الأسعار متقاربة، الناس هتضطر تختار بين المزايا اللي RTX 4060 16GB بتقدمها من ناحية الذاكرة والأداء. أو يختاروا الأغلى ال RTX 4060 Ti 16GB أو حتى RTX 4070 12GB فا السعر هيحدد مين اللي هيكون الاكثر قيمة مقابل سعر بينهم.
أعجبني
تعليق
Tags:
